GABONETAN, EGIGUZU LEKUA ZURE MAHAIAN lelopean ENBA nekazal sindikatuak herritarrei dei berezia egiten die mahai inguruan familia elkartzen den egun bereziotan, mugaz muga, otorduak planifikatzerakoan gu ere kontuan izan gaitzaten.

Pandemiaren itxialdian bai legez bai gizartearen konbentzimenduz, argi geratu zen, baserritarrok funtsezkoak garela gure gizarte osorako ezinbesteko elikagaiak ekoizten ditugunez.

Orain, Gabonetan, funtsezkoak izaten jarraitzen dugula ekarri nahi dugu gogora eta mahai inguruan, 6 edo 10 eseri arren, mahai gainean GU izatea nahi genuke eta ospakizunen ardatza, bertako elikagaiak izatea nahi genuke.

Beraz, etxeko mahai inguruan 6 edo 10 elkartu arren, gogoratu baserritarrok funtsezkoak garela. Honenbestez, egiguzu lekua zure mahaian.