Urtarrilaren 22an argitaratu zen Gipuzkoako Aldizkari Ofizialean IRPFko foru araua eta nekazaritzako iharduerarako fiskalitate berria ezartzen du indarrean 2014ko urtarrilaren 1etik aurrera, hain zuzen ere, errenta aitorpena egiterakoan modulu sistema ezabatzen duena.

Baserriko fiskalitatean gorabehera asko suertatu dira azken urte honetan beraz honako informazioa eman nahi dugu bai Aldundiarekin eta alderdi politikoekin izaniko negoziaketaz bai datorren urteari begirako fiskalitatearen gainean.

Esan bezala, 2015eko udaberrian egingo dugun errenta aitorpena (2014ko aktibitatearen gainekoa) DEN-DENOK estimazio zuzeneko sisteman egin beharko dugu. Sistema berriak aldaketa ugari suposatzen ditu gure eguneroko ohituretan, beraz, aldaketa guztien berri emateko batzarra prestatu dugu Martxoaren 7rako Tolosako egoitzan goizeko 12tan eta bertan izango gara bai ENBAko arduradunak bai ABELUReko teknikariak.