instagramFacebookTwitter
   

Gipuzkoako ENBAk nekazaritzaren alorrean bizi dugun belaunaldi aldaketa faltaren aurrean, gaia aztertu, amankomuneko gogoeta egin eta nolabaiteko hobekuntzak proposatzeko, gaur goizean Zaldibiko Goizane zentruan BASERRI GAZTEA 3. Topaketa ospatu dugu eta bertan izan dira ia 100 pertsona.

Lehenik, GAZTENEK programaren datuak ezagutu ditugu Xabier Arrutiko foru zuzendariaren eskutik eta jendearen ahotik entzun ditugu, programa hau hobetzeko hainbat aholku eta iradokizun.

Ondoren, Iker Sukia artzain lazkaotarra, Olatz Izagirre piparzale ibartarra, Ander Arrillaga esnezale aiatarra eta Adur Gorostiaga larre behizale abaltzisketarra izan ditugu baserriratu diren edo ari diren adibide gisara. Ondoren, gazteen formazioaz, behar duten babesaz, industria eta baserriaren arteko transizioa egin nahi dutenen kasuistika, etb tratatu dira.

Bestalde, transmisioa errazteko abian jarri den Errelebo Irekia programaren berri jaso dugu HAZIko Amaia Garrastazu teknikariaren eskutik eta argi geratu da, zabaldu eta hobetu beharreko zerbitzua dela baina horretarako sektoreko eragile eta erakunde arteko elkarlana behar beharrezkoa dela.

Ihardunaldia borobiltzeko Nel Cañedo artzain asturiarraren testigantza jaso dugu, nola ez, bere indarraz adieraziz baserritar gazteak harro egon behar dutela bai beren ogibidez bai bizi diren herri txikietaz.

Topaketaren haseran ENBAko presidentea den Iñaki Goenagak esandakoari jarraituz hainbat gazte prest azaldu da gaztediaren errealitatea eta problematika aztertzeko eta elkarlanean jarduteko lantaldea osatzeko.

Argi geratu da, azkenik, gaurko Topaketak aurrerantzean ere jarraipena izan beharko duela eta lehen urratsa besterik ez dugula eman.

Gaur egun, baserrian bizi dugun belaunaldia aldaketaren falta eta bataz beste jardunean gauden baserritarron adina altua kontua izanik, ENBA sindikatuak bere aportazioa egin nahi du eta honenbestez, gaztedia eta baserriaren arteko egoerari buruzko jardunalditxoa antolatu dugu.

Jardunaldian administrazioetatik indarrean dauden prozedurak ezagutu eta baloratuko ditugu, nahiz GAZTENEK nahiz ERRELEBO IREKIA, gure sektorean loratutako 4 kimu berrien testigantzak ezagutuko ditugu eta azkenik, sare sozialeetatik hain famatua egin den artzain asturiarra, Nel Cañedoren partehartzea izango dugu, gaztea eta baserritarra izatearen harrotasunaz hain zuzen ere.

Jardunaldia, bereziki, 40 urte azpikoentzat pentsatuta dago. Baserrian diharduen gaztearentzat eta baserrian jarduteko asmoa-gogoa-ilusioa duen gazte ororentzat. (40tik gorakoek ere izena ematea dute, noski).

Animatu zaitez eta eman izena lehenbaitlehen!

Sartu eta ikus ezazu jardunaldiaren egitaraua.

Uztailaren 19an, Gipuzkoako Foru Aldundiak lehenbizikotz aurtengoan hasi berri diren 21 gazteekin topaketa egin zen eta bertan izan ziren, bai gazteak heuren familiekin bai Aldundiko Markel Olano Ahaldun Nagusia, Imanol Lasa, Landa Inguruneko Diputatua, eta 3 zuzendariak: Xabier Arruti, Arantxa Arzitimuño eta Jon Ander Azpiroz, gazte berriei aitortza publikoa egiten.

Berri pozgarria da lehen sektorerako eta horrexegatik hantxe bertan izan ginen ENBAkook ere, Iñaki Goenaga presidente buru zelarik. Topaketan bertan azaldutako gaiak eta arazoak, hemendik aurrera, konpontze lanetan badugu lana.

Eusko Jaurlaritzak nekazal ustialekuetan Errelebo Irekia izeneko programa jarri du abian, berezko erreleboa ez duten ustialekutan gazte eta 41 urtetik gorakoen inkorporazioa erraztu asmoz, 6 hilabeteko egonaldia lagunduz eta era horretara, baserriko erreleboa erraztuz, baserriko iharduera gal ez dadin.

Administrazioak emandako laguntza inkorpratu nahi duen gaztea eta gaztea bere etxean jasotzen duen baserritarren artean banatuko da. Inkorporatu nahi duen pertsonak eman beharko du egonaldia egin nahi duen baserriko datuak.

Aurtengo deialdirako eskabideak HAZIren egoitzetan aurkeztuko dira, nahiz Arkautin (HAZI Fundazioa / Granja Modelo /  01192 Arkauti) nahiz Abadiñon (HAZI Fundazioa /  Muntsaratz 17 A / 48220 Abadiño) edo posta elektroniko bidez ere aurkeztu daitezke: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Eskabideak aurkezteko epea zabalik da Urriaren 10 arte, barne.

2019ko oinarri arautzaileak

Nekazaritza enpresaren onarpen kompromisoa

Eskaera fitxa

Eusko Jaurlaritzak argitaratu berri du Nekazaritza sektorera hurbiltzeko beken programa eta izenak dioen bezala, beka hauen bitartez, lehen sektorea hobeto ezagutu nahi duen gazteak 3 eta 6 hilabete bitarteko egonaldia egiteko aukera izango du.

Bekadunak hilabetero ordainsaria jasoko du, 40 ordutako lanaldirako 700 euro ingurukoa, eta eskabideak baloratzerakoan hainbat faktore hartuko dira kontuan, hala nola, GAZTENEK prozedimenduan sartuta dagoen edota eskatzailearen adina.

Eskabideak aurkezteko azken eguna Apirilaren 17an amaitzen da.

Informazio gehiago:

OINARRIAK

IZENA EMATEKO FITXA

ONURADUNA JASOTZEN DUEN NEKAZARITZA ENPRESA EDO NEKAZARITZAKO ELIKAGAIEN ENPRESAREN ONARPEN KONPROMISOA

 

Euskalmetlogo Lactologicologo Nekagip Sistema de Identificación Geográfica de Parcelas Agrícolas, SIGPAClogo PagoUnicologo AsuntosEuropeos
Gora joan