instagramFacebookTwitter
   

Gaur goizean, Fraisoroko Eskolan, nekazaritza alorreko Lan Arrisku Prebentzioari buruzko ihardunaldia ospatu dugu eta interesa haundia sortu duela aitortu beharrean gaude.

Bertan izan dira, lehen lehenik, OSALANen Gipuzkoako nekazal sektoreko arduraduna den Victoria Álvarez anderea eta berak azaldu ditu bai Prebentzio Legeak aurreikusten dituen betebeharrak bai zuzenean kontratupean langileak dituzten baserritar edota kontratupean izan gabe, hainbat lan eta zerbitzu azpikontratatzen dituzten baserritarren kasuistika.

Ondoren, ENBA barruan Prebentzio arduraduna den Iñigo Bilbaok, Prebentzio Zerbitzu Amankomunaren nondik-norakoak azaldu ditu, baldintzak, kostuak eta eskeintzen den zerbitzua. Bertan azaldutako informazioa ihardunaldian partehartu duteneri bidaliko zaie posta elektronikoaz.

Lan Arrisku Prebentzioa egin nahi duena eta SPMAren zerbitzuaz informazioa jaso edo kontratatu nahi duenak jar dadila harremanetan bai 943.650123 (Xabier) bai 94.6300769 (Iñigo).

Gipuzkoako ENBA nekazal sindikatuak, OSALAN eta ABELURekin elkarlanean, nekazaritzan Lan Arriskuen Prebentzioari buruzko ihardunaldia antolatu du Otsailaren 2rako, ostirala, goizeko 11tan hasita, Zizurkilgo Fraisoro Nekazal Eskolako areto nagusian.

Goizeko 11etan, ihardunaldia zabaldu ostean, OSALANeko Victoria Álvarez emango du indarrean dagoen legediaren berri eta legediak baserritarrongan suposatzen dituzten betebeharrak. Jarraian, SPMAko (Servicio de Prevención Mancomunado Agrario) Sandra Muñozek, prebentzioa egiterakoan zerbitzu amankomunatuaren berri emango du.

Antolatzaileon ustean, gaur egun indarrean dagoen legediaren arabera, Lan arriskuen prebentzioa gure baserrietan bete beharreko eskakizuna da, lehen lehenik, gure osasuna eta etxekoen ongizatea babesteko eta bigarrenik, ustialekuan kontratatuak ditugun langileen istripuak ekiditzeko.

Langileak izan ala ez, lan arrisku prebentzioaren legea bete beharra dugu, bakoitzak bere mailan eta era ezberdinean baina, denok, bete behar dugu legea.

Legeak gure baserrietako aurreikusten dituen betebeharrak eta lege barrunean egoteko Amankomuneko Zerbitzuaren xehetasunak ezagutzeko, honako ihardunaldia antolatu dugu eta interesa izanez gero, eman izena honakoan: 943.650123 / Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

Urtarrilaren 15etik 18ra, arratsaldeko 15,30tatik 19,00tara, Baratzezaintzako Ihardunaldien bigarren edizioa ospatuko da baratza alorreko profesionalentzat. Ihardunaldiak HAZI eta Fraisoro Eskolak antolatuak dira, Abelur, Neiker-Tecnalia eta Gipuzkoako Foru Aldundiaren laguntzarekin.

Ikus ezazu ihardunaldien EGITARAUA eta eman lehenbaitlehen izena Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidean edo 843.692166 telefono zenbakian.

Ihardunaldi osorako matrikula 50 eurotakoa da eta egun bakoitzekoa, aldiz, 25 eurotakoa.

HAZIk, seihilabete behin egin ohi duen bezala, 2018ko lehen sei hilabeterako nekazal formakuntzaren gida argitaratu berri du. Egin klik esteka honetan.

Fraisoro ESkolak, Lanbiderekin elkarlanean, ondoko ikastaro hau antolatu dute: GAZTAK EGITEA:  Gaztagintzako profesionaltasun-ziurtagiriaren Prestakuntza-modulu bat da.

Ikastaro honen helburua ondoko hau da: gazta mota desberdinak egiten ikastea, oinarrizko gaztagintzatik hasita mota berritzaileetara iristeko, arraska handiagoa izan dezaketen gaztak merkaturatzeko. Artzaien kasuan aukera ezin hobea izan daiteke  gaztandegia geldi dagoen hilabeetan beste irtenbide bat emateko.

Ruben Valbuenak, Valladolid-eko CAntagrullas Abeletxeko entzute handiko gaztagile-maisua (http://www.granjacantagrullas.com/) , emango du ikastaroa.

Euskalmetlogo Lactologicologo Nekagip Sistema de Identificación Geográfica de Parcelas Agrícolas, SIGPAClogo PagoUnicologo AsuntosEuropeos
Gora joan