ENBA nekazal elkarteak bere kezka, haserrea eta beldurra agertu nahi du publikoki azken egunotan azaldutako albisteetan Eusko Jaurlaritzako Ingurumen Sailak Otsoa desagertzeko arriskuan dauden espezieen EAEko katalogoan sartzeko erabakia iada hartua duela adierazten baita eta egiari zor, Natur Ondare eta Klima Aldaketa zuzendariak 2018ko Irailaren 26an hartutako ebazpenean dioenez, Grupo Lobo Elkarteak eskatutako katalogazioa prozedurari ekitea erabakitzen da eta prozeduraren bitartez erabakiko da Arriskuan dauden espezieen zerrendan Otsoa gehitzea edo ez eta, hala balitz, zein kategoriatan.
ENBAtik oso argi dugu abelzaintza estentsiboa eta otsoa bateraezinak direla eta honenbestez tinko egin nahi diogu uko Otsoa arriskuan dauden espezieen zerrendan sartzeko eskabideari. Bide batez, 2015eko uztailean, Eusko Jaurlkaritzari aurkeztutako abeltzain eragile guztiek babesturiko idatzian jasotako argumentuak berresten ditugu, otsoaren sustapena abelzaintza estentsiborakoa, baina batez ere artzaintzarako, hil ala biziko gaia delako eta berarekin batera, arriskuan edo kinka larrian jartzen dituelako gure mendi eta larretokietako oreka eta mantenua eta gure ondare gastronomikoan izarra den Idiazabal gazta ere.
ENBAk oso gertutik jarraituko du gaiaren prozedura administratiboa, nekazal sektoreko eragile arteko ekimen bateratuak sustatuko ditu eta azkenik, eskumena duten Ingurumen alorreko arduradunekin bilerak egingo ditu.
Iada kalean da Udazkeneko ENBA Aldizkariaren 212 zenbakia.
Irailaren 5ean argitaratutako Euskal Herriko Aldizkari Ofizialean (EHAO) 117/2018 DEKRETUA, eraikinen ikuskapen teknikoari buruzkoa jasotzen zen. Bertan dioenez, Nekazaritzarako Ustiategien Erregistro Orokorrean inskribatuak dauden baserriak (txartel berdea dutenak) salbuetsita geratuko dira heuren erabilera nagusia bizitegitarakoa ez denez. Bestalde, erabilera publikoko gune edo bide batera ematen duen fatxadarik ez duten familia bakarreko bizitegi-erabilerako eraikinen kasuan, EIT egin beharko dute baldin eta Udalak errekerituz gero.
ENBAtik eskertu beharrean gaude Eusko Jaurlaritzako Etxebizitza sailak izandako jarrera eta ondorioz, nekazal sektoreko eragileokin izandako elkarrizketaren ostean, onartutako aldaketak eta bide batez, aitortu eta eskertu beharrean gaude euskal udalerrien elkarteko (EUDEL) herri txikien batzordeak egindako lana.
Egindako elkarlana ixilak bere emaitzak izan ditu eta poztekoa da.
Pasa den ostiralean Ministro Kontseiluak esnea eta esnekien jatorria derrigorrez etiketatzea arautzen duen errege Dekretua onartu zuen. Araudiak kontsumitzaileen beharrak hasetu eta elikagaien jatorriari buruz gardentasuna ematen du. Kontsumitzaileen arteko inkesten arabera, espainiako kontsumitzaileen %88ak behar beharrezkoa jotzen du esnearen jatorria identifikatzea eta saltokien %86aren ustean, jatorria identifikatzeak salmentak hobetuko lituzke. Bide batez, gogora ekarri nahi dugu, aurrez Frantziak horrelako araudia onartua zuela eta indarrean jartzean, esne-esnekien inportazioa %45ean gutxitu direla.
ENBA nekazal elkarteak oso pozik jaso du orain egun gutxi argitaratu den 101/2018 DEKRETUA, uztailaren 3koa, erabilera turistikoko etxebizitzei eta etxebizitza partikularretako logelei buruzkoa non lehen xedapen gehigarriak dekretuaren aplikazio-eremua zehazterakoan landa-ingurunea kanpo uzten duen.
ENBAren ustean Eusko Jaurlaritzak dekretuaren tramitazioan sektorearekiko begirunea eta malgutasuna azaldu du eta hori eskertzekoa da, are gehiago, ikusirik nahiz etxe nahiz logelatako modalitatea landagunean iada arautua dugula nahiz nekazalturismo nahiz landetxe modalitatean.
ENBA Bizkaia
San Pedro, 30-Behea - 48340 Amorebieta-Etxano (Bizkaia)
Tel.: 94 630 07 69 bizkaia@enba.eus
Fenix, Zerbitzu Informatikoak, diseinatu eta kudeatzen du webgune hau
