ENBA nekazal sindikatuak, Eusko Jaurlaritza prestatzen ari den Eraikinen Ikuskapen Teknikoaren Dekretuaren aurrean, bere aurkako posionamendua helarazi die bai Jaurlaritza bai EUDELeri eta ustialeku kalifikazioa duten baserriak salbuetsita uztea eskatzen du.
ENBAren ustean, argi dago Dekretua hirietako eraikin kolektiboetarako pentsatua dagoela eta honenbestez, leurraldean zehar barreiatuak dauden baserrien errealitatetik oso urrrun dagoela.
Gure baserrien gehiengoa eraikin isolatuak dira, lursail pribatuaz inguratuak eta honenbestez, lur publikoarekin kontakturik gabe, aitzinakoak, famili bakarrarentzat, tamainaz oso haundiak, sarri askotan egurrezko egiturarekin, eraikin tradizionalak (asko Ondare Historiko-Artistikoaren kalifikazioarekin) eta Dekretuaren zirriborroaren helburua erabilera nagusia bizitegitarakoa duten eraikinak izanik, azpimarratu beharrean gaude, baserri gehienetan, denetan ez bada, bizitegitarako erabileraz gain nekazal iharduerari dagozkion erabilerak jasotzen direla, hala nola, abereak, almazena, makineria sartzeko lekua, lastotegia, …
Honezaz gain, baserrietako errealitateaz urrun dagoela mahaigaineratzeko, baserrietan ere irisgarritasuna eta berotze-girotze instalazioak aztertzea proposatzen da eraikinen efizientzia energetikoa kontrolatzeko.
Beraz, hau dena kontuan izanik, ENBA nekazal sindikatuak bai Eusko Jaurlaritzari bai udaletxeak elkartzen duen EUDELeri nekazal ustialeku kalifikazioa duten baserriak salbuetsita uztea planteatu die.
Gipuzkoako ENBA nekazal elkarteak 2013 urtean BASERRITARRON LAGUNA saria eratzea erabaki zuen eta bere lehen edizioan, Jaime Zubia Zinkunegirentzat izan zen saria eta bigarrenean, 2015 urtekoa, AMAMA zinema filmarentzat (argazkian Asier Altunarekin). Orain, 3. Edizioa jartzen dugu abian eta izenak proposatzeko epea zabaldu dugu urriaren 31 arte.
Sariaren helburua bere eguneroko jardunarekin baserriaren alde lanegiten duen persona, elkarte, entitate, komunikabide, etb-en lana aitortu eta gure eskerrona agertzea da.
Baserria, baserritarra eta baserriko elikagaiak gizartearen aurrean goraipatzea, zabaltzea eta aldarrikatzea izango da kontuan sariduna hautatzean eta honenbestez, orain, gipuzkoarrei dagokie izenak proposatzea eta urriak 31 baino lehen guri helaraztea (Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.) .
Guregana iritsitako proposamenak aztertu ondoren, saria ENBAk 2018ko urtarrilaren 28an ospatuko duen Batzarrean emango zaio hautatuari.
Elikagaien erosketan gero eta garrantzi haundiagoa du elikagai kate barneko antolakuntzak eta tamalez, oreka faltak. Azken urteotan, elikagai kate barnean ekoizlek jasotako onura etengabe jeisten ari da eta horren adibide, Europako estatistikek jasotzen dutena non ekoizleen onura %31tik (1995 urtean) %21eraino jeitsi den (2011an).
Egoera kezkagarria biurtzen ari da, are gehiago elikagai katearen barnean nahiz industriak baina batez ere distribuzioak hartzen ari den indarra kontuan izanik, eta honenbestez, Europako erakundek hainbat ekimen ari da sustatzen, elikagai katearen antolakuntza orekatzeko eta ekoizleen indarra edo pisua bermatzeko.
Euskal Sagardoa Jatorrizko Izendapena abian jarri den urtean eta sagar bilketaren atarian gaudenean, ENBA nekazal elkarteak bere kezka azaldu nahi du, orain arte emandako urratsen artean sagar ekoizleen papera ezer gutxi kontuan izan delako.
ENBAtik argi dugu Jatorrizko Izendapena ezinbesteko tresna dela, gure sagarra eta sagardoaren balioa goratzeko baina, argi utzi nahi dugu, ezin dugula jarraitu gehiago orain arte izandako jarrerarekin eta baserritarron sagarraren prezioa izoztuta izanik azken 12 urteotan.
Beraz, uste dugu, iritsi dela unea, sagar ekoizpena ere bultzatzeko eta horretarako ezinbestekoa da, baserritarrek jasotzen duten prezioa eguneratzea.
Gaia bere sakontasunean aztertzeko (Jatorrizko Izendapena, sagar kanpaina, prezioak, ...) ENBAk batzar berezia egingo du ostiral honetan, Irailak 8, goizeko 11tan Tolosako egoitzan eta honenbestez dei berezia egiten die sagardotarako sagarra ekoizten duten baserritarrak bertaratu daitezen.
Estatuko esne ekoizpenak zertxobait gora egin (%0,6) eta neurri berean, prezioak behera egin duenean (-%0,6) eta egoeraren arrazoietako bat, edota hobeto esanda aitazki modura esne ekoizpenaren gorakada jartzen denean, DIA kateak Estatuko merkatua apurtzeko borondatea azaldu du, beste behin ere, Frantziko esnea merkaturatuz eta ez nolanahiko prezioan, 0,56 eurotan baizik.
Lotsagarria DIA katearen jokabidea eta ENBAtik dei egiten diogu, bere jokabide maltzurra zuzendu dezan.
ENBA Bizkaia
San Pedro, 30-Behea - 48340 Amorebieta-Etxano (Bizkaia)
Tel.: 94 630 07 69 bizkaia@enba.eus
Fenix, Zerbitzu Informatikoak, diseinatu eta kudeatzen du webgune hau
