Gipuzkoako baserri alorreko eragile nagusiek, EHNE eta ENBA, sustatutako mozioa bozkatu eta onartu da gaur goizean Batzar Nagusietan egindako plenoan eta bertan izan dira, baserri munduko hainbat ordezkari.

Goizeko saioan, sektoretik sustatuta eta EAJ, PSE eta PPk aurkeztutako mozioa jorratu da eta bi sindikatuek aurrez dei berezia egin arren, ez dugu lortu ez EHBILDU ez PODEMOS alderdien babesik. Bozketan, PNV,PSE eta PPko 28 aldeko boto jaso ditugu, PODEMOSen aurkako 5 eta EHBILDUren 14 abstentzio.

Mendiko abeltzaintzaren onura ekologikoak eta biodibertsitateari egindako aportazioa behin eta berriro aitortu arren, batzuek sekulako arazoak dituzte, bertan diharduten abeltzainentzat bizi eta lan baldintzak duinak babesteko.

Badirudi, baserria eta baserritarren aldeko mezuak bolo-bolo dabiltzatenek, zalantza ugari dituztela, teorian defendatzen dutena, errealitatean gauzatzerako.

Aralar eta honen antzeko mendietan diharduten abeltzainek, hitz politak alboratu eta ekintzetara pasatzea exijitzen dute eta honenbestez, orain Batzar Nagusietako babesa jaso ondoren, sindikatuok dei berezia egiten diegu Goierriko udal ordezkari guztiei, alderdi politikoetako disziplina itsua alboratu eta beren herritarren eta baserritarren interesak defenda ditzaten bai herrian bai Enirio-Aralarko mankomunitatean.

Gipuzkoako ENBA nekazal sindikatuak, Batzarkide taldeei aurkeztutako txostenean, 1.783.000 eurotako igoera proposatzen du Foru Aldundiko aurrekontu totalak izango duen %5eko igoerarekin parekatuz eta bide batez, nekazal sektorean detektatu ditugun hainbat behar asetzeko.

Nekazaritzako sailaren aurrekontuari dagokionean, aurrekontua mantentze edo izoztea eman da eta gure ustean, onartezina da, sektoreak dituen beharrak ikusita.

2017ko aurrekontuaren azterketa konparatiboa egin eta hainbat argitasun edo/eta zalantza mahaigaineratu ostean, ENBA bezala, 2017rako honako eskakizunak planteatu nahi ditugu eta espero dugu Batzar Nagusietako taldeak beraganatzea eta Aldunditik proposaturiko aurrekontu proiektua hobetzeko asmoz:

- Inbertsiotarako Laguntza planaren partida 250.000 eurotan igo, aurtengorako aurreikusia dauden 500.000 eurotatik 750.000 eurotara igoz. Kopuru hau igotzean iaz izandako eskabideak estaltzea dugu helburu, partida eskaxa izatean jendea kanpoan gera ez dadin.

- Estremaduroak botatzeko partida eratu 750.000 eurotako kopuruarekin. Pinu zaharrak bota bai alde sanitarioa bai merkatuko arrazoiengatik laguntza oso aproposa da eta komenigarria, partida berria eratzea helburu horrekin.

- Aseguruen kontratatzioa sustatzeko partida 50.000 eurotan igo, 150.000tik 200.000 eurotara. Aseguru polizak dexente garestitu dira azken urteontan txertaturiko aldaketekin eta honezaz gain, ENESAren aportazioa ere jeitsi egin denez, uzta eta azienda aseguratzeko polizak dexente igo eta jendeak atzeraka egiteko arriskuan egon gaitezke.

- Basa animalien eragindako kalteen indemnizazioa partida 33.000 eurotan igo, 17.000tik 50.000 eurotara. Basa animalien kalte ordainak ordaintzeko zailtasunari aurre egiteko aukera emanaz.

- Landa bideen partida 700.000 eurotan igo, 2017rako aurreikusitako 800.000 eurotatik 1.500.000 eurotara igoz eta horrela, kontzeptu honetarako guztirako partida iazko 2.000.000 euroekin parekatuz.

GUZTIRA: 1.783.000 eurotako igoera bat, hau da, aurrekontua %4,78an igoera.

Gipuzkoako baserri alorreko eragile nagusiek, EHNE eta ENBA, bere babesa eskeini nahi die bihar Gipuzkoako Batzar Nagusietako Plenoan tratatuko den mozioari non Aralarko artzain eta abeltzainen duintasuna aldarrikatzen den.

Biharko plenoan, sektoretik sustatuta eta EAJ, PSE eta PPk aurkeztutako mozioa tratatuko da eta bi sindikatuek dei berezia egiten die gainuntzeko alderdi politikoei, EHBILDU eta PODEMOS, mozioa babes dezaten.

Mendiko abelzaintzaren onura ekologikoak eta biodibertsitaterako egindako aportazioa behin eta berriro aitortzen denean, Gipuzkoako nekazariak eta abeltzainak ordezkatzen ditugun sindikatuok, zeharo kezkatuta gaude, azken hilabeteotan Aralarko azpiegiturak direla eta, bizitu dugun egoerarekin.

Gipuzkoako gizarteak ezin du onartu, gizartea bere osotasunean aurrera egiteko elkar-lanean dihardugun bitartean, gure lurraldean behin eta berriro estrategikotzat jotzen ditugun artzain eta abeltzainak XIX mendean bezala bizitzea.

Egungo artzain eta abeltzainek, eta are gehiago, etorkizunean ere artzain eta abeltzainak gure mendietan izan nahi baditugu, ezinbestekoa da gutxieneko azpiegiturak eta baliabideak eskeintzea.

Azpegiturarik gabee ez dago duintasunik gure abeltzainentzat eta tamalez, etorkizunik ere ez. Beraz, amaitzeko, Gipuzkoako ENBA eta EHNEk gure babesa plazaratu eta alderdi politiko guztien babesa eskatzen dugu.

Espainiako Nekazaritza ministeritzak hasi berria du esnea eta esnekien jatorria derrigorrez etiketatzeko araudi berria onartzeko lanekin, esne ekoizleen aldarriak kontuan hartuaz eta Frantziako ereduari jarraiki.

Euskadiko ENBA nekazal sindikatuak ontzat jotzen du orokorrean mahai gainean ipinitako proposamena baina bere ustean, behar beharrezkoa da, jatorriaren maila ekoizleenganako hurbiltasuna baimentzea eta hala, estatuaren aipamenaren ondoan, elkargo autonomo, lurralde historiko edo herriaren aipamenak bideratuz.

ENBAren ustean, esnea eta esnekien jatorria gero eta hurbilagokoa izan, kontsumitzailaren babesa lortzea gero eta errazagoa izango da.

Irakurri gehiago ...