Euskadunok milaka motibo ditugu ospatzeko eta ENBAk, arkumea dastatuz ospatzea proposatzen dizu eta zure ospakizuna #gukbeeeee hastagekin partekatzea
Naturak agintzen duen erritmoan ari dira jaiotzen arkumeak gure baserrietan. Naturaren errimoan bizi baitira gure abereak baina baita ere gure artzainak.
Aurtengoan, Covid-19ak sortutako larrialdi egoeraren ondorioz, gure ospakizunen eszenatoki nagusiak diren jatetxeak, sozietateak eta beste hainbat elkargune publikoak itxita daude eta honenbestez, arkumeen merkaturatzea, neurri haundi batean, etenda geratu da.
Larrialdi egoerak bestalde, mutur aurrean jarri digu, egungo gizartean, elikadura funtsezkoa dela eta bide batez, funtsezkoak direla elikagaiak sortzen dituzten baserritarrak.
Elikadura eta gure baserritarrak funtsezkoak direlako, bertako elikagaiak kontsumitzea dakarkigun onura nabarmen ikusten delako, osasuntsu elikatzeak sekulako garrantzia duelako eta garaian garaiko elikagaiaz hornitzea hoberena delako, ENBA nekazal sindikatuak, datozen egun eta asteetan bertako arkumeren merkaturatutzea sustatzeko asmoz, honako proposamena egiten dizu egun gutxi barru hasiko den Aste Santutako: Aste Santuan kontsumitu ezazu bertako arkumea (exijitu jatorria, mesedez), larrialdi egoeran bagaude ere, euskaldunok milaka motibo ditugulako ospatzeko.
Aukeratu zeuk ospatzeko duzun motiboa (familikoak, larrialdian lanean ari diren langileak, lagunak, osasuna, zure gustokoen kirol taldea, aberri eguna,…) , ospa ezazu, etxekoekin arkumea janaz eta ondo baderitzozu, partekatu zure sare sozialeetan #gukbeeeee hastagrekin. On egin!
Atzo, Martxoak 29, gaueko 23:40tan argitaratu zen Errege Dekretuan Funtsezkoak dien jardueren zerrenda eta etxean geratu beharreko langileentzat ordaindutako baimenaren erregulazioa.
Lehen sektorea, elikagai ekoizlea den neurrian, eta elkagai kateko beste gainuntzeko eragileak funtsezkotzat jotzen dira eta honenbestez, bai baserritarrak bai beren langileak, izango balitu, eta baita ere bere jarduera aurrera eramateko beharrezko diren zerbitzu era jarduerak ere funtsezkoak bezala kalifikatzen dira. Hau da, baserriko jarduera bere normaltasunean egiteko beharrezko diren jarduera lagungarriak, hala nola, albaitariak, ardi ile moztaileak, hondakin (minda) edo subproduktu kudeatzaileak eta beste hainbat lanbide ere funtsezkoak direnez, heuren langileak lana egin dezakete eta askatasunean mugitu.
Beraz, azken egunotan helarazitako zalantzak argitzeko asmoz, azaldu beharra dugu (datozen egunetan aurkakorik esaten ez den bitartean) baserritarrak ez duela inongo ziurtagirik behar bere lan mugimenduak egiteko, hori bai, gainean nahiz txartela berdea, ustialeku koadernoa edota seguritate sozialaren ordainketa agiriren bat eramatea gomendatzen dugu. Baserriko langileentzat baserritarrak bete eta sinatutako agiria eraman beharko du (hemen duzu Eusko Jaurlaritzako Segurtasuna eta Garapen Ekonomiako sailek adostutako agiria).
Bestalde, gaia argiago uztearren hona hemen Nekazaritzako Ministeritzak atera duen prentsa oharra non 10/2020 Errege Dekretua zehazten den.
EZ DA AZOKA ETA FERIAk IXTEKO UNEA, SEGURTASUNA ARAUTZEKO UNEA BAIZIK
Nahiz Eusko Jaurlaritzak nahiz Espainiako Gobernuak sustatutako larrialdirako legedi bereziak estrategikotzat jotzen dute elikadura eta honenbestez, legez bematzen dute bai elkagai dendak zabalik mantenduko direla bai saltokietarako elikagai horniketa.
Hala ere, zalantzak ekiditzearren, hainbat udalerrietan emandako kasuistikaz jabeturik (Bilbao, Durango, …), ENBA nekazal elkartetik dei berezia egiten diegu azoka eta feriak antolatzen dituzten udaletxeei, baserritar askoren elikagai ekoizpena saltokiak diren neurrian, zabalik mantendu ditzatela eta honenbestez, heuren ekoizpena salmenta zuzena bitartez egiten duten baserritarrei elikagai merkaturatzea bermatu.
ENBAren ustean ez da azoka eta feriak ixteko unea, tokiko elikagaiak sustatzeko unea baizik eta azokak itxi beharrean, saltzaile eta erosleen segurtasuna ziurtazeko araudiak ezarri eta aplikazioa bermatzeko.
Eusko Jaurlaritzako Ekonomiaren Garapeneko eta Azpiegituretako Sailak Elikadura Balio Katearen eskura jarri du KORONABIRUSARI (COVID-19) AURRE EGITEKO JARDUKETA PROTOKOLOA (3.0 bertsioa) ezartzeko kontsulten zerbitzu teknikoa. Protokolo hori ARRANTZA ONTZI, NEKAZARITZA ETA ABELTZAINTZA USTIATEGI ETA ELIKAGAIEN INDUSTRIETARAKO da, aldi oro eguneratzen joango direna.
Honeaza gain Elikagai kateko partaideen kontsultak bideratzeko zerbitzu teknikoa jarriko da abian (oraindik telefono zenbakia ez badute zehaztu ere), eta goizeko 8tatik iluntzeko 8rak arte egongo da zabalik.
ENBA nekazal elkarteak "Euskadiko Landa Eremuaren Etorkizuna" Jardunaldia ospatuko du Apirilaren 1ean, asteazkena, Hernaniko ORONA ZERO eraikinean.
Jardunaldian Unibertsitateko adituak, landa eremuko gizarteko ordezkariak eta alderdi politiko ezberdinetako ordezkariak elkartuko dira, landa eremuaz kezkatu eta arduratzen dren pertsonak, elkarte nahiz erakundeen topagunea izan nahi duen Jardunaldian.
Jardunaldiaren EGITARAUA ezagutu nahi izanez gero, jarraitu irakurtzen eta ahal bezain laster, EMAN IZENA.
ENBA Bizkaia
San Pedro, 30-Behea - 48340 Amorebieta-Etxano (Bizkaia)
Tel.: 94 630 07 69 bizkaia@enba.eus
Fenix, Zerbitzu Informatikoak, diseinatu eta kudeatzen du webgune hau
